2001 - يىلىدىن بېرى ئافغانىستاندا 300 ئەنگلىيە ئەسكىرى ھاياتىدىن ئايرىلغان

بۈگۈن ئەنگلىيە باش مىنىستىرى داۋىد كامېرون 2001 - يىلىدىن بېرى ئافغانىستاندا 300 ئەنگلىيە ئەسكىرىنىڭ ھاياتىدىن ئايرىلغانلىقىنى بىلدۈردى. بۇ 300 ئەسكەرنىڭ 200 نەپىرى كېيىنكى 2 يىلدا ئۆلگەن. ئىگىلىنىشىچە، ئەنگلىيىنىڭ ئافغانىستاندىكى تىنچلىقنى ساقلاش قىسىملىرى تەركىبىدە جەمئىي 10 مىڭغا يېقىن ئەسكىرى بار ئىكەن.
مۇخبىرىمىز ﺋﯩﺮﺍﺩﻩ
2010.06.21
Share on WhatsApp
Share on WhatsApp

ب ب س دا خەۋەر قىلىشىچە، ئەنگلىيە باش مىنىستىرى داۋىد كامېرون سۆزىدە، ياز مەزگىلىدە ئافغانىستاندا زوراۋانلىق ۋەقەلىرىنىڭ كۆپىيىپ كەتكەنلىكىنى ئەسكەرتىپ: "ئەنگلىيە ئەسكەرلىرىنى ئافغانىستاندا تىنچلىق بەرپا بولغاندىلا چېكىندۈرىدۇ،" دېگەن.

بۇلاردىن باشقا يەنە، ئافغانىستاندىكى خەلقئارا تىنچلىقنى ساقلاش قىسىملىرى بۈگۈن ئافغانىستاندا يەنە 6 ئەسكىرىنىڭ ئۆلگەنلىكىنى بىلدۈردى. بۇ ئەسكەرلەرنىڭ بىرى ئامېرىكىلىق، ئۈچى ئاۋستىرالىيىلىك بولۇپ، قالغان ئىككىسىنىڭ قايسى دۆلەتتىن ئىكەنلىكى ئاشكارىلانمىدى.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.