ئەنگىلىيە گۋەنتانامو مەھبۇسلىرىنى قوبۇل قىلىشنى ئويلىشىۋاتقانلىقىنى بىلدۈردى
ﻣﯘﺧﺒﯩﺮﯨﻤﯩﺰ ﺟﯜﻣﻪ
2009.04.27
2009.04.27
خەۋەردە نەقىل قىلىنىشىچە، ئەنگىلىيە ئەدلىيە مىنىستىرى جەك ستۋارت، ئەنگىلىيىنىڭ ئوباما ھۆكۈمىتىنىڭ گۋەنتانامونى تاقاش پىلانىنى قوللايدىغانلىقىنى ھەم بۇنىڭغا زور كۈچ بىلەن ياردەم قىلىدىغانلىقىنى بىلدۈرگەن ۋە:" ئەگەر ئوباما ھۆكۈمىتى بىزدىن تەلەپ قىلسىلا، بىز تۇتقۇنلارنى قوبۇل قىلىشنى ئويلىشىمىز" دېگەن.
مەلۇم بولۇشىچە، ئامېرىكا ھۆكۈمىتى ئەنگىلىيە دائىرىلىرىگە بۇ خىلدىكى تەلەپنى قويۇپ باقمىغان. نۆۋەتتە، گۇەنتانامو ھەربىي تۈرمىسىدە 240 نەپەر مەھبۇس قامالغان.
بۇلارنىڭ ئىچىدە قويۇپ بېرىلىشكە تەييارلانغان، ئەمما بارىدىغان يېرى يوق ئۇيغۇر قاتارلىق 60 نەپەر مەھبۇس بار بولۇپ، ئۆتكەن ھەپتىدىن باشلاپ ئامېرىكا ھۆكۈمىتىنىڭ مەزكۇر ئۇيغۇرلارنىڭ بىر قىسمىنى ئامېرىكىغا يەرلەشتۈرىدىغانلىقىغا ئائىت خەۋەرلەر مەيدانغا كەلگەن ئىدى.