ئەنگلىيە سابىق باش مىنىستىرى غەززەنى زىيارەت قىلدى

ئەنگلىيىنىڭ سابىق باش مىنىستىرى تونىي بلايىر يەكشەنبە كۈنى تۇنجى قېتىم غەززە رايونىنى زىيارەت قىلىپ، بۇ جاينىڭ ئەھۋالىنى كۆزدىن كەچۈردى.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2009-03-01
Share

ئەنگلىيە ب ب س ئاگېنتلىقىنىڭ خەۋەر قىلىشىچە، بلايىر غەززەنى قايتا قۇرۇش كېرەكلىكىنىڭ مۇھىملىقىنى ئۆز كۆزى بىلەن كۆرۈپ، ئىسرائىلىيە بىلەن خاماسنىڭ توقۇنۇشىنى سىياسىي يول بىلەن ھەل قىلىشنىڭ زۆرۈرىيىتىنى تەكىتلىگەن. گەرچە، 1 - ئاينىڭ 18 - كۈنى ئىسرائىلىيە غەززەگە قاراتقان بومباردىمانلىرىنى توختاتقان ۋە خاماسمۇ ئۇرۇش توختاتقان بولسىمۇ، لېكىن ئىسرائىلىيە تەرەپ ھاماسنىڭ ئۆزلىرىگە داۋاملىق راكېتا ئاتقانلىقىنى ئەيىبلىگەن بولۇپ، ئىككى تەرەپ مۇناسىۋىتى يەنىلا جىددىي ھالەتتە تۇرغان.

ئىسرائىلىيىنىڭ ئۈچ ھەپتىلىك ھۇجۇمىدا 1300 ئەتراپىدا پەلەستىنلىك ھاياتىدىن ئايرىلغان ۋە غەززە رايونى ۋەيران قىلىنغان ئىدى.

بلايىر ئوتتۇرا شەرق، جۈملىدىن ئىسرائىلىيە - پەلەستىن مەسىلىسىنى ھەل قىلىش بويىچە خەلقئارالىق ئالاھىدە ئەلچى بولۇپ ھېسابلىنىدۇ. ئۇنىڭ بۇ زىيارىتىنىڭ بەلكى خاماس ۋە ئىسرائىلىيىنى بىر كېلىشىمگە كەلتۈرۈشتە مۇھىم رول ئوينايدىغانلىقى بىلدۈرۈلمەكتە.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت