Әнглийә сабиқ баш министири ғәззәни зиярәт қилди

Әнглийиниң сабиқ баш министири тоний блайир йәкшәнбә күни тунҗи қетим ғәззә районини зиярәт қилип, бу җайниң әһвалини көздин кәчүрди.
Мухбиримиз үмидвар
2009-03-01
Share

Әнглийә б б с агентлиқиниң хәвәр қилишичә, блайир ғәззәни қайта қуруш керәкликиниң муһимлиқини өз көзи билән көрүп, исраилийә билән хамасниң тоқунушини сиясий йол билән һәл қилишниң зөрүрийитини тәкитлигән. Гәрчә, 1 - айниң 18 - күни исраилийә ғәззәгә қаратқан бомбардиманлирини тохтатқан вә хамасму уруш тохтатқан болсиму, лекин исраилийә тәрәп һамасниң өзлиригә давамлиқ ракета атқанлиқини әйиблигән болуп, икки тәрәп мунасивити йәнила җиддий һаләттә турған.

Исраилийиниң үч һәптилик һуҗумида 1300 әтрапида пәләстинлик һаятидин айрилған вә ғәззә райони вәйран қилинған иди.

Блайир оттура шәрқ, җүмлидин исраилийә - пәләстин мәсилисини һәл қилиш бойичә хәлқаралиқ алаһидә әлчи болуп һесаблиниду. Униң бу зияритиниң бәлки хамас вә исраилийини бир келишимгә кәлтүрүштә муһим рол ойнайдиғанлиқи билдүрүлмәктә.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт