En'gliye sabiq bash ministiri ghezzeni ziyaret qildi

En'gliyining sabiq bash ministiri toniy blayir yekshenbe küni tunji qétim ghezze rayonini ziyaret qilip, bu jayning ehwalini közdin kechürdi.
Muxbirimiz ümidwar
2009-03-01
Share

En'gliye b b s agéntliqining xewer qilishiche, blayir ghezzeni qayta qurush kéreklikining muhimliqini öz közi bilen körüp, isra'iliye bilen xamasning toqunushini siyasiy yol bilen hel qilishning zörüriyitini tekitligen. Gerche, 1 - ayning 18 - küni isra'iliye ghezzege qaratqan bombardimanlirini toxtatqan we xamasmu urush toxtatqan bolsimu, lékin isra'iliye terep hamasning özlirige dawamliq rakéta atqanliqini eyibligen bolup, ikki terep munasiwiti yenila jiddiy halette turghan.

Isra'iliyining üch heptilik hujumida 1300 etrapida pelestinlik hayatidin ayrilghan we ghezze rayoni weyran qilin'ghan idi.

Blayir ottura sherq, jümlidin isra'iliye - pelestin mesilisini hel qilish boyiche xelq'araliq alahide elchi bolup hésablinidu. Uning bu ziyaritining belki xamas we isra'iliyini bir kélishimge keltürüshte muhim rol oynaydighanliqi bildürülmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet