Әнгилийә ташқи ишлар министири бу һәптә тибәттә зиярәттә болиду

Франсийә агентлиқиниң хәвәр қилишичә, әнгилийә ташқи ишлар министириниң бу нөвәтлик зиярити чәтәл рәһбәрлири билән елип баридиған тибәт мәсилисигә алақидар диалогиға пакит топлашқа қаритилидикән.
Мухбиримиз җүмә
2009-09-07
Share

Әнгилийә ташқи ишлар министири иван левис бу нөвәтлик тибәт зияритидә, бейҗиң вә лхасадаларда болидикән. Әнгилийә ташқи ишлар министирлиқи, зиярәтниң 7 - сентәбир дүшәнбидин 10 сентәбир пәйшәнбигичә 4 күн елип берилидиғанлиқини билдүргән.

Министирлиқ йәнә, левис әпәндиниң бейҗиңдики муһим рәһбәрләр билән көрүшүп, әнгилийә ‏ - хитай мунасивәтлири һәққидә сөһбәт елип барғандин кейин, лхасаға берип йәрлик һөкүмәт даирилири билән тибәтниң сиясий, иқтисадий вә мәдәний әһвали үстидә сөһбәт елип баридиғанлиқини илгири сүргән.

"Тибәт һөрлүки тәшкилати" әнгилийә ташқи ишлар министирини, зиярити җәрянида хитайниң тибәттә елип бериватқан бастуруш вә кишилик һоқуқ дәпсәндичиликлирини тилға елишқа дәвәт қилди.

Бу әнгилийә юқири дәриҗилик хадимлириниң өткән йил марттики тибәт намайишидин кейин тунҗи қетим тибәтни зиярәт қилиши.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт