En'giliye tashqi ishlar ministiri bu hepte tibette ziyarette bolidu

Fransiye agéntliqining xewer qilishiche, en'giliye tashqi ishlar ministirining bu nöwetlik ziyariti chet'el rehberliri bilen élip baridighan tibet mesilisige alaqidar di'alogigha pakit toplashqa qaritilidiken.
Muxbirimiz jüme
2009-09-07
Share

En'giliye tashqi ishlar ministiri iwan léwis bu nöwetlik tibet ziyaritide, béyjing we lxasadalarda bolidiken. En'giliye tashqi ishlar ministirliqi, ziyaretning 7 - séntebir düshenbidin 10 séntebir peyshenbigiche 4 kün élip bérilidighanliqini bildürgen.

Ministirliq yene, léwis ependining béyjingdiki muhim rehberler bilen körüshüp, en'giliye ‏ - xitay munasiwetliri heqqide söhbet élip barghandin kéyin, lxasagha bérip yerlik hökümet da'iriliri bilen tibetning siyasiy, iqtisadiy we medeniy ehwali üstide söhbet élip baridighanliqini ilgiri sürgen.

"Tibet hörlüki teshkilati" en'giliye tashqi ishlar ministirini, ziyariti jeryanida xitayning tibette élip bériwatqan basturush we kishilik hoquq depsendichiliklirini tilgha élishqa dewet qildi.

Bu en'giliye yuqiri derijilik xadimlirining ötken yil marttiki tibet namayishidin kéyin tunji qétim tibetni ziyaret qilishi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet