Shahzade charlis xitay dölet re'isi xu jintaw bilen körüshüp, tibet mesilisini otturigha qoydi

En'giliye padishahliq textining weli'ehdi, shahzade charlis peyshenbe küni londonda ziyarettiki xitay dölet re'isi xu jintaw bilen körüshüp, tibet mesilisini otturigha qoyghan.
Muxbirimiz erkin
2009-04-03
Share

Shahzade charlisning resmi turalghusi klirans sariyining bayanatchisi, charlis bilen xu jintawning "ikki terep ortaq köngül bölidighan mesililer" üstide pikir almashturghanliqini, bu mesililerning "hawa klimat özgirishi, sichü'endiki yer tewresh rayonining qayta qurulushi, tibet mesilisi" qatarliqlarni öz ichige alidighanliqini bildürgen.

Xu jintaw london'gha 20 dölet guruhining bashliqlar yighinigha qatnishishi üchün kelgen idi. U, bu jeryanda en'giliye bash ministiri gordon browén, amérika prézidénti barak obama, fransiye prézidénti sarkozilar bilen ayrim - ayrim söhbet ötküzgen. Xitay terep sarkozining fransiye tibetning jonggo zémini ikenlikige hörmet qilidu, dep wede bergenlikini ilgiri sürgen idi.

Bu shahzade charlisning xu jintaw bilen tunji qétim körüshishi bolup, u uzun yillardin béri tibet rohaniy dahiysi dalay lamani qollap kelgen idi. Körüshüsh london sheher merkizidiki bir méhmanxanida élip bérilghan.

Shahzade charlis 1999 ‏ - yili sabiq xitay dölet re'isi jyang zémin en'giliyini ziyaret qilghanda xitay terepning london elchixanisidiki ziyapitige qatnashmighan, u yene xanish ilzabét ‏ 2 - ning bikkinham sariyida jyang zéminning sheripige bergen ziyapetke qatnashmighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet