Hizbut tehrir yeni erkinlik partiyisining asiyada bash kötürüwatqanliqi ilgiri sürülmekte
2011.10.01
Bu teshkilatning ghayisi pütün islam ellirini ittipaqlashturup, sheri'et bilen bashqurulidighan islam döliti qurushtin ibret bolup, ular xelqni özliri yashawatqan döletlerdiki hökümetni aghdurushqa ündeydiken.
Xewerge qarighanda, bu teshkilat nöwette hindonéziye we xitayda öz idé'ologiyisini tartishqa bashlighan.
Xewerde neqil qilishiche, fuden uniwérsitétidiki xitay mutexessis jang jyawdung: bu guruppa térrorchi teshkilatlardinmu ziyanliq. Chünki u adettiki kishiler topigha asan tesir körsiteleydu, dégen.
Jang jyawdungning bildürüshsche yene, hizbut tehrir teshkilatning xitayda 20 minggha yéqin ezasi bar bolup, ular térrorluq hujumlirigha qarighanda topilang we namayishlarni teshkilleshke mayil iken.
Hizbut tehrir teshkilati amérika, hindonéziye we bir qisim yawropa elliride qanunluq en'ge élin'ghan we ochuq ashkara pa'aliyet qilidighan teshkilat bolup, xitayda men'i qilin'ghan.
Amérika tashqi ishlar ministirliqi mezkur teshkilatining térrorizmni wasitilik qollaydighan muhit yaritishi mumkinliki, emma hazirghiche bu heqte qolgha chiqqudek delil ispat yoqluqini bildürgen.