Dewager aygül toxti maralbéshi qamaqxanisida achliq élan qildi

Ötken hepte xitayning maralbéshidiki saqchi xadimliri teripidin béyjingdin tutup kétilgen erzdar aygül toxti, üch kündin buyan maralbéshi qamaqxanisida achliq élan qilghan.
Muxbirimiz shöhret hoshur
2011.12.26
Share on WhatsApp
Share on WhatsApp

Aygül toxtining uruq- tughqanlirining jem'iyetke ashkarilishiche, aygül toxti 3 kündin béri özige sunulghan herqandaq tamaqni, yémek-ichmekni qobul qilishni we saqchilarning herqandaq so'aligha jawab bérishni ret qilghan.

U bu arqiliq özining béyjingdin aldap élip kélin'genliki, heqsiz qamaqqa solighanliqigha naraziliq bildürgen. Muxbirimiz bügün aygül toxtining ehwali heqqide maralbéshigha téléfon qilghinida da'iriler bu témida melumat bérishni qet'iy ret qildi.

Aygül toxti birqanche ayning aldida, béyjingda erzdarlarning chédirini buzghili kelgen béyjing saqchiliridin birini bir testek urghan. U yene ötken ayda merkizi intizam tekshürüsh komitéti aldidiki majiradimu tutqun qilinip, béyjingda 7 kün qamaqta yatqan.

Aygül toxti yene ikki yilning aldida ürümchide aptonom rayonluq xelq qurultiyi re'isi erkin imirbaqining aptomobilining aldini tosqanliqi üchün, bortalada 10 kün qamaqta yatqan. Bu qétimqisi aygül toxtining yéqinqi 2 yil ichide az dégende 5-qétim qamaqta yétishidur.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.