Xitay hökümiti erziyet mesililirini yerliktila hel qiliwétishni telep qilmaqta

Xitay hökümiti yézilardiki ammiwi weqelerning aldini élish üchün, bundin kéyin erziyet xizmitini kücheytidighanliqini jakarlidi.
Muxbirimiz irade
2012-03-01
Share

Junggo radi'o torining xewer qilishiche, xitay merkizi intizam tekshürüsh komitéti yéqinda chaqirghan "2012-Yilliq asasiy qatlam partiye istili, pakliq qurulushi xizmiti" yighinda asasiy qatlamlardin yézilardiki ammining naraziliq ammiwi heriketlirining köpiyip ketkenlikidek weziyetni ayaghlashturush üchün, bundin kéyin yéza asasiy qatlam erziyet xizmetlirige alahide ehmiyet bérishni telep qilghan.

Xitaydiki erzdarlar mesilisi xelq'ara jama'etningmu diqqitini tartiwatqan bir mesile. Ötken bir yil ichide xitayda wuken weqesige oxshash nurghun chong kölemlik naraziliq heriketliri meydan'gha kelgen idi. Bularning ichide Uyghur élide öz dawasini aqturalmay, béyjingda erz qilip yürgen nurghun Uyghurlarning erziyet dawalirimu bar.

Bu erzdarlar nurghun qétim béyjing da'irilirining tutqun qilishigha uchrighan, sanaqsiz qétim kelgen yerlirige qayturuwétilgen idi. Yuqiridiki qarardin, xitay da'irilirining erzdarlarning naraziliq heriketlirining kéngiyip kétishining aldini élish üchün mesilini yerlikte hel qilishni teshebbus qiliwatqanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet