“Ishqa orunlashturushta étibar bérish” siyasitidin Uyghurlar yene behrimen bolalmidi

Bügün shinjang xewer torida bayan qilinishiche, Uyghur élide ötken yili ishqa orunlashqanlar yoq 42 ming a'ilidin az dégende birdin emgek küchi ishqa orunlashturulup bir yil ichide jem'iy 48 ming kishi yéngidin ishqa orunlashturulghan.
Muxbirimiz shöhret hoshur
2012.04.16

Xewerde bildürülüshiche, rayonluq hökümet bultur 24 sa'et ichide ishqa orunlashturup bolush tedbirini qollinip, rayondiki ishqa orunlashqanlar bolmighan a'ililerge kespiy jehettin yétekchilik qilip ulargha hüner -kesip ögetken we yaki töwen ösümlük qerz pul bérip turghan. Emma ,xewerde hökümetning bu tedbiridin behrimen bolghan a'ililerning millet terkibi we nisbiti tilgha élinmighan.

Xitay hökümiti 5-iyul weqesidin kéyin rayondiki bir qisim xata siyasetlirini wasitilik étirap qilip rayonda xelq turmushini yaxshilaydighanliqini ilgiri sürgen. Emma rayondiki ishsizliq mesilisi asasliq Uyghurlar duch kéliwatqan mesile bolup, bu qétimqi 24 sa'et ichide ishqa orunlashturush tedbiridin Uyghurlarning behrimen bolalmighanliqi ilgiri sürülmekte.

Dunya Uyghur qurultiyi bayanatchisi dilshat rishit bügün bu heqte radi'omizgha pikir bayan qilip, tekshürüshlerge asaslan'ghanda, rayondiki étibar bérish siyasetliride Uyghurlarning dawamliq türde chetke qéqiliwatqanliqini, rayonda Uyghurlarning heq-hoquqi kapaletke ige bolmay turup rayonning tinchimaydighanliqini yene bir qétim eskertti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.