Ey jishing tetqiqat orni “Uyghurlarning qanun we kishilik hoquq qollanmisi” ni élan qildi
2012.09.06
Mezkur qollanma 45 bettin terkib tapqan bolup, uningda Uyghurlarning qanun'gha asasen öz hoquqlirini qoghdishi we telep qilishigha paydiliq bolghan hoquqliri, shundaqla eydiz bimarlirining menpe'itige alaqidar bolghan qanun-maddilar hem xelq'ara kishilik hoquq bayannamisidiki alaqidar maddilar bérilgen.
Béyjing eyjishing tetqiqat orni 2006-yilidin béri Uyghur eydiz bimarlirigha qilghan yardemliri we qanuniy heq-hoquq dawaliri bilen Uyghurlar arisida tonulghan bir jem'iyettur. Bu jem'iyet 2010-yili ichkiri xitaydiki köchme nopus Uyghurlarning salametlik, olturaqlishish we bashqa kishilik hoquq mesililiri heqqide doklat élan qilghan idi.
Eyjishing tetqiqat orni mezkur qollanmining kirish sözide ichkiri ölkilerde Uyghurlarni chetke qaqidighan ehwallarning dawamliq körülüwatqanliqini eskertip, bu ehwallarning Uyghurlarning öz heq-hoquqliri we izzet-hörmitini aldi bilen mewjut qanunlar arqiliq qoghdashni öginishining muhimliqini tonup yétishige seweb bolghanliqi, shu wejidin mezkur qanun qollanmisini élan qilghanliqini bildürgen.