Бейҗиңдики әйдиз бимарлириниң һоқуқини қоғдаш җәмийити тәқиб қилишқа учриди
2010.12.22
Б б с агентлиқиниң хәвәр қилишичә, әйҗишиң тәтқиқат орниниң қанун мәслиһәтчиси бу йилниң бешидин тартип, мәзкур орунниң бейҗиң баҗ органлириниң тәкшүрүшигә учрап, һазирғичә һечқандақ нәтиҗигә еришәлмигәнлики, өзиниң 18-декабир күни дөләтлик аманлиқни қоғдаш вә баҗ органлири тәрипидин өзлири билән шәртсиз йосунда маслишишқа чақирилип соал-сорақ қилинғанлиқини әскәрткән.
Әйҗишиң тәтқиқат җәмийитиниң елан қилған баянатида 2004-, 2006, 2007-йиллири бейҗиң баҗ органлириниң өзлирини давамлиқ тәкшүрүп турғанлиқи көрситилип, бейҗиң даирилириниң һәр хил баһаниләр билән сиясий җәһәттин бесим қиливатқанлиқи тәкитләнгән.
Бейҗиң әйҗишиң тәтқиқат орниниң мәсули, әйдиз бимарлириниң һоқуқини қоғдаш паалийәтчиси вән йәнхәй әпәнди америкиға келип панаһланған һәмдә йеқинда лю шавбониң нобел тинчлиқ мукапатини елиш мурасимиға тәклип қилинған иди. Вән йәнхәй әпәнди уйғур әйдиз бимарлириниң һоқуқлирини қоғдаш үчүнму бәлгилик паалийәтләр елип барған.
Буниңдин илгири әйдиз бимарлириниң һоқуқини қоғдаш паалийәтчиси ху җя бейҗиңда түрмә җазасиға һөкүм қилинған иди. Йеқинда бейҗиң мәркизий милләт университетиниң оқутқучиси, уйғур һоқуқ қоғдиғучиси илһам тохти әпәнди дөләт аманлиқ сақлаш хадимлири тәрипидин аилиси билән биргә бир һәптә нәзәрбәнд қилинған.
Көп көрүлгән хәвәрләр
RFA
- “пәләк шаһи” адил һошур немә үчүн уйғурларниң нәзәридин домилап чүшти?
- Германийәлик сәйяһ кристоф реһагниң уйғур дияридики пиядә саяһити (2)
- Б д т да хитайниң вәзийити көздин көчүрүлгән мәзгилдә, уйғурлар җәнвәдә зор көләмлик намайиш елип бармақчи
- Кәвсәр ваһит: “хитай бигунаһ сиңлимни қоюп бәрмигичә, мән дәвадин тохтап қалмаймән”
- Язғучи пәрһат турсунниң атуштики ағу түрмисидә җаза муддити өтәватқанлиқи ашкариланди