Ezerbeyjanda parlamént saylimi ötküzüldi

Yekshenbe küni kawkaziyidiki türkiy tilliq ezerbeyjan jumhuriyitide parlamént saylimi ötküzüldi. B b s agéntliqi rus shöbisining xewer qilishiche, yekshenbe küni kech sa'et 5 kiche bolghan ariliqta 45% saylighuchi bélet tashlap bolghan bolup, kechtin bashlap saylam netijisi chiqishqa bashlighan.
Muxbirimiz ümüdwar
2010.11.07

Deslepki netije boyiche alghanda, hazir hakimiyet üstide turiwatqan "yéngi ezerbeyjan partiyisi" ning ghelibe qazinidighanliqi éniq bolup, prézidént ilham eliyéf mezkur partiyidin kélip chiqqan. Bu qétimqi saylamni yawropa hemkarliqi we bixeterliki teshkilati qatarliq bir qisim xelq'araliq teshkilatlarning közetküchiliri közetken bolsimu, biraq öktichiler saylamning qa'idige uyghun bolmighanliqini eyibligen.
 
Ezerbeyjandiki öktichiler ilham eliyéfning hakimmutleqliqini tenqid qilmaqta. Sowét ittipaqi yimirilgendin kéyin musteqil ezerbeyjan jumhuriyitige bir qanche kishi prézidént bolghan, kéyin sabiq sowét ittipaqi rehbiri xadimliridin heyder eliyéf rehberlik qilghan. U wapat bolghandin kéyin, uning oghli ilham eliyéf prézidént bolup, hazirghiche hakimiyetni idare qilip kelmekte. Öktichiler eliyéf a'ilisini mustebitlik bilen tenqid qilmaqta. Nöwette, ezerbeyjan gherb döletliri we rusiye arisida tashqi siyaset yürgüzüshke mejbur bolghan.

Ezerbeyjan kawkaziyidiki, jümlidiki dunyadiki muhim néfit ishlepchiqiridighan döletlerning biridur.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.