Фалунгуң муртлири хитай компартийисиниң вәйран қилишиға қарши турушиниң он йиллиқини хатирлиди

Америка, франсийә вә әнгилийә қатарлиқ дөләтләрдики фалунгуң муртлири чоң типтики йиғилишларни өткүзүп,хитай һөкүмитини адаләт билән иш қилип фалунгуң муртлирини қәстләп өлтүргәнликини қобул қилишқа вә бу хил һәрикитини аяғлаштурушқа чақирди.

1999 - Йили 7 - айниң 22 - күни хитай һөкүмити фалунгуң муртлири һәққидә қарар елан қилип, фалун гумписи тәтқиқат мәркизини қанунсиз орган дәп елан қилған вә уни хурапийлиқни тәрғип қилип хәлқни алдайдиған, қәстән қутратқулуқ қилип җәмийәтниң аманлиқини бузидиған тәшкилат дәп җакарлиған иди. Әмма фалунгуңчилар болса өзлириниң һәргизму хитай дегәндәк җәмийәт аманлиқини бузидиған кишиләр әмәсликини, хитай һөкүмитиниң өз адәмлирини орунлаштуруп, ялған вәқә ясап чиқиватқанлиқини ейитти вә "хитайда кишилик һоқуқ йоқ, кишиләрниң диний етиқад әркинликиму йоқ " дәп хитай һөкүмитини әйиблиди.

Уларниң илгири сүрүшичә, он йилдин буян хитай һөкүмити тәрипидин түрмиләргә соланған фалунгуң муртлириниң сани аз дегәндә 6000, өлтүрүлгәнләрниң сани 3000, әмгәк билән өзгәртилгәнләрниң сани болса 100 миң кишидин ешип кетидикән.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар