Falun'gung murtliri xitay kompartiyisining weyran qilishigha qarshi turushining on yilliqini xatirlidi

Dunyaning her qaysi jayliridiki falun'gung murtliri türlük pa'aliyetler arqiliq xitay kompartiyisi teripidin ziyankeshlikke uchrighanliqining on yilliqini xatirilimekte.
Muxbirimiz irade
2009-07-23
Share

Amérika, fransiye we en'giliye qatarliq döletlerdiki falun'gung murtliri chong tiptiki yighilishlarni ötküzüp,xitay hökümitini adalet bilen ish qilip falun'gung murtlirini qestlep öltürgenlikini qobul qilishqa we bu xil herikitini ayaghlashturushqa chaqirdi.

1999 - Yili 7 - ayning 22 - küni xitay hökümiti falun'gung murtliri heqqide qarar élan qilip, falun gumpisi tetqiqat merkizini qanunsiz organ dep élan qilghan we uni xurapiyliqni terghip qilip xelqni aldaydighan, qesten qutratquluq qilip jem'iyetning amanliqini buzidighan teshkilat dep jakarlighan idi. Emma falun'gungchilar bolsa özlirining hergizmu xitay dégendek jem'iyet amanliqini buzidighan kishiler emeslikini, xitay hökümitining öz ademlirini orunlashturup, yalghan weqe yasap chiqiwatqanliqini éyitti we "xitayda kishilik hoquq yoq, kishilerning diniy étiqad erkinlikimu yoq " dep xitay hökümitini eyiblidi.

Ularning ilgiri sürüshiche, on yildin buyan xitay hökümiti teripidin türmilerge solan'ghan falun'gung murtlirining sani az dégende 6000, öltürülgenlerning sani 3000, emgek bilen özgertilgenlerning sani bolsa 100 ming kishidin éship kétidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet