Wyétnamda ikki falunggungchi qamaq jazasigha höküm qilindi

Peyshenbe küni ikki wyétnamliq falunggungchi wyétnam da'iriliri teripidin ikki yilliq qamaq jazasigha höküm qilindi. Fransiye agéntliqining xewer qilishiche, lé wantan we wu dukchung isimlik bu ikki kishi falunggungchilarning, xitaydiki kishilik hoquq depsendichilikliri, chiriklik, falunggungchilar üstidin yürgüzülüwatqan bésim siyasetliri pash qilinidighan “Ümid awazi” namliq radi'o programmisini 2009-yilidin béri xitaygha ulap tarqatqanliqi üchün jazalan'ghan.
Muxbirimiz irade
2011.11.10
Share on WhatsApp
Share on WhatsApp

Bu ikkisining adwokati “Wyétnamda falunggungni chekleydighan héchqandaq bir qanun yoq, ularning qamaq jazasigha höküm qilinishi pütünley qanunsi'izliq” dégen.

Mezkur sot peyshenbe küni paytext xanoyda échilghan. Shu küni yene 50 tin oshuq falunggungchi ikki sepdishining qamaq jazasigha höküm qilin'ghanliqigha naraziliq bildürüp, xanoydiki xitay elchixanisining aldida namayish qilghan. Namayishta wyétnam saqchiliri 40 tek namayishchini qolgha alghan.

Merkizi nyuyorkta turushluq falung dafa teshkilati xitay hökümitining wyétnamgha bésim ishlitishi netijiside, bu yerdiki falunggungchilarningmu qéyin kün'ge qalghanliqini éytqan. Wyétnam da'iriliri wyétnamda falunggungning mewjutluqini étirap qilmisimu, emma falung dafa teshkilati wyétnamda nechche yüzligen ezasi barliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.