Мәшһур хитай режиссор шйе фей хитайниң филим назарәтчиликини тәнқид қилди

Бу йил 70 яшқа киргән шйе фей баянатида, хитайда филимләргә қарита йолға қоюлуватқан назарәтчилик түзүминиң қанунға таянмастин, халиғанчә елип бериливатқанлиқини, буниң хитайниң мәдәнийәт мәһсулатлири базириға бузғунчилиқ қиливатқанлиқини илгири сүргүн. Униң билдүрүшичә, мәзкур назарәтчилик түзүмини хитайдики кино филимлириниң сәнәт җәһәттики иҗадийлиқиға тосқунлуқ қилған.

Йәнә бир тәрәптин даириләрниң парихорлуқ қилмишлириға земин һазирлап бәргән. У нөвәттә хитайда чәтәл филимлириниң йәрлик филимләргә қариғанда базири иттикликини мисал елип “мәдәнийәт мәһсулатлири пәқәт қанун вә базар арқилиқла башқурулуши керәк” дегән.

Шйе фей хитайдики мәшһур режиссорлардин бири болуп, униң “қара қар” қатарлиқ 3 кино филими берлин кино фестивалида хәлқаралиқ мукапатқа еришкән. Узун мәзгил бейҗиң кино студийисидә режиссор, университетта оқутқучи, җ х министирлиқида қанун мәслиһәтчиси болуп хизмәт ишлигән шйе фей,хитайдики филим назарәтчиликигә болған наразилиқи сәвәбидин, йеқинқи йиллардин бери филим режиссорлуқ саһәсидин вақтинчә айрилған.