Amérikidiki konsérwatiplar gu'antanamo türmisidiki Uyghurlarni qoyup bérishni telep qildi

Peyshenbe küni, amérika konsérwatiplar birleshmisining re'isi déwid kéni, iwans shirketler guruhining re'isi we sabiq amérika dölet mejlisining jumhuriyetchi ezasi tamas iwans qatarliq amérikidiki on neper ataqliq konsérwatip erbap, birleshme bayanat élan qilip, prézidént bush hökümitidin güentanamo herbiy türmside tutup turuluwatqan 17 neper Uyghur mehbusni derhal qoyup bérishni telep qildi.
Muxbirimiz eqide
2008.11.20
Share on WhatsApp
Share on WhatsApp

Bayanatta, prézidént bush hökümiti washn'gton rayoni amérika fédéral sot mehkimisining sotchisi richardo urbinaning güentanamoda tutup turuluwatqan 17 neper Uyghur mehbusni qoyup bérish toghrisida chüshürgen buyruqigha boysunushqa chaqirilghan.

24 ‏ - Noyabir yeni aldimizdiki düshenbe küni washn'gton rayoni amérika erziyet sot mehkimisi gu'antanamoda tutup turuluwatqan Uyghur mehbuslar mesilsini körüp chiqidu.

8‏ - Öktebir küni washn'gton rayoni fédéral sot mehkimisining sotchisi orbina amérika hökümitining gu'antanamodiki Uyghurlarni tutup turushining qanunsiz ikenliki heqqide höküm chiqirip, ularni derhal qoyup bérish toghrisida buyruq chüshürgen idi.

Lékin 20‏ - öktebir küni erziyet sot mehkimisi amérika hökümitining sotchi urbinaning Uyghur mehbuslarning
Qoyup bérilishi toghrisidiki qararini toxtitip qoyup heqqidiki erzini qobul qilghan idi. 


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.