Ғәззә 613 милйон долларлиқ иқтисади ярдәмгә муһтаҗ

Бирләшкән дөләтләр тәшкилатиниң баш катипи бан кимон, давоста өткүзүлүватқан " дуня иқтисади мунбири" йиғинида ғәззәниң 613 милйон долларлиқ иқтисадий ярдәмгә җиддий еһтияҗлиқ икәнликини билдүрди.
Мухбиримиз әқидә
2009-01-29
Share

Бан кимон ғәззәдә тәкшүрүш елип берип, ғәззә хәлқиниң көп тәрәплимә қутқузушқа муһтаҗлиқини, болупму хәлқниң сәһийә җәһәттә тәминлиниши шуниңдәк пакизә су истимал қилишға капаләтлик қилинишиниң нөвәттики әң муһим вәзипә икәнликини оттуриға қойди.

Бирләшкән дөләтләр тәшкилатиниң йәнә бир юқири дәриҗилик әмәлдари җон һолмс, мәзкур тәшкилатиниң ғәззә үчүн башлатмақчи болған ярдимигә, исраилийиниң ғәззәдә үзлүксиз давамлаштуруватқан қамал қилиш һәрикәтлириниң тосқунлуқ елип келиватқанлиқини билдүрди.

Исраилийә ғәззәгә һуҗум қозғиғандин буян 412 нәпәр балини өз ичигә алған 1300 пәләстинликни өлтүрүп, 21 миң өйни вәйран қилған.

Бирләшкән дөләтләр тәшкилати йәнә, барлиқ параванлиқ тәшкилатлири вә органлирини 6 ай ичидә ғәззәни қайта қуруш ишлириға ярдәм беришкә чақирди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт