گېرمانىيىنىڭ بىرلىككە كەلگەنلىكى خاتىرىلەندى

يەكشەنبە كۈنى گېرمانىيىدە كەڭ كۆلەملىك خاتىرىلەش پائالىيىتى ئۆتكۈزۈلۈپ، بېرلىن تېمىنىڭ يىقىتىلىپ، غەربىي ۋە شەرقىي گېرمانىيىنىڭ بىرلىككە كېلىپ، بىر دۆلەتكە ئايلانغانلىقىنىڭ 20 يىللىقى قۇتلۇقلاندى.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2010-10-03
Share

گېرمانىيە باش مىنىستىر ئانگېلا مېركېل 20 يىلدىن بۇيان شەرقىي گېرمانىيىلىكلەرنىڭمۇ تەرەققىياتلارغا زور ھەسسە قوشقانلىقىنى مۇئەييەنلەشتۈرگەن.
 
ئامېرىكا ئاۋازىنىڭ خەۋەر قىلىشىچە، ئامېرىكا پرېزىدېنتى باراك ئوباما ئىككى گېرمانىيىنىڭ بىرلىككە كەلگەنلىكىنىڭ 20 يىللىقىنى مۇبارەكلەش بىلەن بىرگە گېرمانىيىنىڭ ئامېرىكىنىڭ ئەڭ سەمىمىي ئىتتىپاقدېشى ۋە ئەڭ ئۇلۇغ دوستلىرىنىڭ بىرى  ئىكەنلىكىنى ئەسكەرتىش بىلەن بىرگە "گېرمانىيىنىڭ بىرلىككە كېلىشى ياۋروپا قۇرۇقلۇقى ۋە پۈتۈن يەر شارى ئۈچۈن ھېچقاچان بولۇپ باقمىغان ئەركىنلىكلەرنىڭ ئىشىكىنى ئاچتى" دەپ يۇقىرى باھا بەرگەن.
 
گېرمانىيىنىڭ بىرلىككە كېلىش بايرىمىنى رۇسىيە پرېزىدېنتى دمىترىي مېدۋېدېۋمۇ تەبرىكلىگەن بولۇپ، ئۇ گېرمانىيىنىڭ بىرلىككە كېلىشىنىڭ رۇسىيە بىلەن گېرمانىيىنىڭ ئىستراتېگىيىلىك شېرىكلىك مۇناسىۋەت ئورنىتىشى ئۈچۈن ئاساس سالغانلىقىنى تەكىتلىگەن.

 
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت