Гогулниң бир қисим иқтидарлири хитайда кашилиға учриди

Бирләшмә агентлиқиниң билдүрүшичә, хитайдики абонтлар гогул сәһиписигә киргинидә "гогулниң тәвсийә қилған сәһипилири" дәйдиған алаһидиликини ишлитәлмигән. Гогулниң баянатчиси җессика павил "гогулниң бу алаһидилики кашилиға учритилди" дәп билдүрди.

Өткән икки айдин бери, интернет әркинлики мәсилисидә хитай тәрәп билән тиркишип келиватқан Google ширкити хитайдики издәш мулазиметерини хоңкоңдики мулазиметериға йөткигән. Әмма, хитай даирилири буниңғиму унимай гогулниң рухситини бикар қилиш билән тәһдит қилған. Нәтиҗидә гогул бир қәдәм кәйнигә чекинип, абунтлар "өзи халиған тәқдирдә" , андин уларни гогулниң хоңкоң мәркәзлик издәш маториға улаштуридиған бир сәһипә чиқарди.

Хитай даирилири интернет үстидики контроллуқини күндин - күнгә ашуруп бармақта. Улар бир яқтин тор сәһипилирини чәклисә, йәнә бир яқтин тор абонтлириниң кимлик мәлуматлирини йиғиш һәрикитини күчәйтмәктә. Йеқинда хитай даирилири омумйүзлүк уқтуруш чиқирип, торда оюн ойнаш үчүн киргәнләргиму алди билән кимликини тизимлитиш шәртини қойди. Улар бу қарарини яш - өсмүрләрниң тор оюнлириниң зийиниға учришиниң алдини елиш үчүн дәп көрсәтти.