Sha'ire göher memet ürümchide nérwa késellikler doxturxanisida dawalinishqa mejburlan'ghan

Bügün radi'o anglighuchilirimizdin birining inkas qilishiche, ürümchidiki polat zawutining ishchisi sha'ire göher memet, ötken ayda shangxeydin qayturup kélin'gendin kéyin, da'irilerning tenqid we tehditlirige pisent qilmay, milliy kemsitishke qarshi erz-shikayet pa'aliyitini dawamlashturghan.
Muxbirimiz shöhret hoshur
2011-01-18
Share

Buning bilen sha'ire göher memet ürümchidiki nérwa késellikler doxturxanisigha bérishqa mejburlan'ghan. Emma sha'ire buni ret qilghan. Inkasta, göher memetning salametlikide héchqandaq mesile yoqluqi, peqet da'iriler göher memette özliri hazirghiche uchritip baqmighan bir xil jasaret we qet'iy iradini körgechke, uni rohiy jehettin ajizlashturush üchün, mezkur tedbirini, yeni nérwa késellikler doxturxanisigha bérish tewsiyisini otturigha qoyghanliqi bayan qilin'ghan.

Göher memet 2009 ‏-yilning axirida bir guruppa xitay tijaretchilerning milliy kemsitish xaraktéridiki til-haqaret hujumigha duch kelgen؛ u shuningdin kéyin, Uyghur millitining shan-sheripige til tegküzgen mezkur xitay tijaretchini jazalashni telep qilip, ürümchi, béyjing we shangxey qatarliq sheherlerdiki alaqidar organlargha erz sunup kelmekte idi. Göher memet béyjingdiki waqtida radi'omiz ziyaritini qobul qilip, "5‏-iyul" din kéyin ürümchide Uyghurlarning xitay köchmenlirining her xil shekildiki kemsitishlirige uchrawatqanliqini we xitay hökümitining bu weziyetke köz yumuwatqanliqini dunyagha ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet