Google Shirkiti kéler ay xitaydiki kespi pa'aliyitini toxtitishi mumkin

"Junggo soda géziti"ning jüme küni xewer qilishiche, Google intérnét shirkiting 10 - aprél küni xitaydiki tor meshghulatini toxtitip, xitay baziridin chékinip chiqish éhtimalliqi bar iken.
Muxbirimiz erkin
2010-03-19
Share

 Shangxeydin chiqidighan mezkur gézitning xewiride Google shirkitining xitay baziridin chékinip chiqish qararini 22 - chésla élan qilidighanliqini bildürgen. Lékin Google shirkiti 10 - aprélda xitay baziridin chékinip chiqidighanliqigha da'ir xewerlerning toghra yaki yalghanliqini mu'eyyenleshtürüp baqmidi.

Google Shirkiti bu yil 1 - ayda xitayni agahlandurup, béyjing hökümiti Google torining xitaychisigha torda nazuk siyasiy uchurlarni izdeshke cheklime qoyushni üzlüksiz telep qilsa, xitay baziridin chékinip chiqidighanliqini bildürgen. Buninggha xitay xakkérlirining Google arxipigha hujum qilip, xitay öktichilirining shexsi uchuri we amérika shirketlirining maliye - téxnika uchurini oghrilishi seweb bolghan idi.

 "Nyu - york waqti" géziti 18 - féwraldiki xewiride Google gha qilin'ghan hujumning shangxey qatnash uniwérsitéti we shendungdiki lenshyang kespi téxnika mektipidin élip bérilghanliqini ilgiri sürgen. Lékin xitay hökümiti nyu - york waqti gézitining xewirini "pütünley asassiz" dep inkar qilghan idi.

 Google Ning pozitsiyisi xelq'ara kishilik hoquq we axbarat erkinlikini qoghdash teshkilatlirining qarshi élishigha ériship, amérika dölet mejlisining intérnét erkinlik qanunini tézrek maqullishini telep qilidighan chaqiriqlar kücheygen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.