Грозийидә бүгүн натониң һәрбий манивери башланди

Бүгүн грозийидә натониң һәрбий манивери башланди. Бирләшмә агентлиқиниң тиблистин баян қилишичә, грозийә һөкүмити түнүгүн тиблис шәһиригә йеқин бир һәрбий базида йүз бәргән әскирий өзгиришни сөһбәт арқилиқ тинҗитқандин кейин, грозийидә бүгүн натониң һәрбий манивери башланди.
Мухбиримиз вәли
2009.05.06

Бу һәрбий маниверға натоға әза дөләтләрдин 18 дөләтниң 1300 әскәр вә офитсери қатнашти. Грозийә бу һәрбий маниверға қатнишишини күтиватқан дөләтләрдин шивитсарийә, қазақстан, молдавийә, сербийә, әрминийиләр қатнашмиди.

Грозийиниң дөләт мудапиә министири давит дзокадзиниң баян қилишичә, бу һәрбий манивер аз дегәндә 5 - айниң 11 - күнигичә давам қилиду.

Франсийә агентлиқиниң баян қилишичә, русийә президенти медиветив бүгүн грозийидә һәрбий манивер елип берилғанлиқини 'учуқтин - учуқ иғвагәрчилик' дегән.

Америка авазиниң баян қилишичә, грозийидики өктичиләрниң төт һәптидин буян тблис шәһиридә елип бериватқан намайишлири давам қиливатиду, намайишчилар президент сакашвилини 'тәхттин чүшсүн' дәп шуар товлаватиду.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.