Гуаңшидики салйот завутида йүз бәргән партлашта 6 киши өлди

Йәкшәнбә күни гуаңшиниң лиңшән наһийисидики бир салйот завутида партлаш мәйданға келип 6 киши өлгән, 11 киши яриланған. Вәқә йәкшәнбә күни кәч саәт 6 әтрапида мәйданға кәлгән болуп, 2 киши нәқ мәйданда өлгән, 4 киши дохтурханида җан үзгән.
Мухбиримиз ирадә
2010.08.23
Share on WhatsApp
Share on WhatsApp

Йәрлик сақчи даирилири вәқәниң келип чиқиш сәвәбиниң техи тәкшүрүлүватқанлиқини, лав фамилилик бир гумандарниң қолға елинғанлиқини билдүргән.

Йәрлик даириләр бу завутниң қанунсиз, шәхси игидарчилиқидики завут икәнликини илгири сүргән вә вәқәдин кейин җайлардики қанунсиз завутларни печәтләшни тәләп қилған.

Техи йеқиндила хейлуңҗяң өлкисиниң йичуән шәһиридики бир салйот завутида йәнә охшаш партлаш мәйданға келип, 13 адәм өлгән, 148 адәм яриланған иди. Хитайда иш үстидики өлүм - йетим вәқәлириниң сани алаһидә көп болуп, мунасивәтлик даириләрниң бу хил орунларни башқуруш, рәтләш, рухсәт тарқитиш җәһәттики мәсулийәтсизлики көзәткүчиләр тәрипидин давамлиқ түрдә тәнқидкә учрап кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.