Erik holdér gu'entanamo mehbusliri heqqidiki deslepki qararning uzun'gha qalmay élinidighanliqini bildürdi

26 - Aprél yekshenbe küni amérika edliye ministiri erik holdér gu'entanamodin aldin qoyup bérilidighan bir qisim mehbuslar mesilisini qandaq bir terep qilish heqqidiki qararning uzun'gha qalmay élinidighanliqini bildürgen.
Muxbirimiz jüme
2009-04-27
Share

26 - Aprél yekshenbe küni amérika edliye ministiri erik holdér gu'entanamodin aldin qoyup bérilidighan bir qisim mehbuslar mesilisini qandaq bir terep qilish heqqidiki qararning uzun'gha qalmay élinidighanliqini bildürgen.

Erk holdér bu sözlerni london sepiride birleshme agéntliqigha bildürgen bolup, xewerde neqil qilinishiche, holdér ependi bu heqtiki tunji qedemning gu'entanamodiki qanche neper mehbusni aldin qoyup bérish mesilisi üstide bolidighanliqini ilgiri sürgen.

Erk holdér mezkur mehbuslarning gu'entanamodiki 17 neper Uyghurlarnimu öz ichige alidighanliqi heqqide éniq toxtalmighan.

Halbuki, aldinqi hepte gu'entanamo mesilisidin toluq xewerdar amérika hökümet erbabliri, belkim gu'entanamodiki bir qisim Uyghurlarning amérikigha qoyup bérilishi mumkinlikini ilgiri sürgen bolup, xewerde neqil qilinishiche, ötkenki bir nechche heptidin béri amérika hökümitining munasiwetlik xadimliri mezkur Uyghurlar bilen bashqa yerge yötkesh aldidiki qayta sözlishish ishlirini élip barghan.

Gu'entanamo Uyghurlirining adwokatliri we kishilik hoquq pa'aliyetchiliri bu Uyghurlarni amérikigha yerleshtürüsh üchün tirishchanliq körsitiwatqan bolsimu, emma bezi bir qisim konsérwatip amérika hökümet xadimliri bu xildiki pikirge izchil qarshi turup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet