' Aq saraygha 17 neper Uyghurni qoyup bérip, yene bir nöwet xeyrlik ish qilidighan purset keldi'

Amérika hökümiti gu'antanamoda tutup turiliwatqan osama bin ladinning shopuri selim exmidi hemdanni türmidin chiqirip döliti yemen'ge qayturup béridighanliqini uqturghan bolup, washin'gton péchta gézitide bérilgen maqalide bu "gu'entanamo adaliti" dep süretlendi we amérika hökümitining yene mezkur türmige qamalghan 17 neper Uyghur tutqunnimu qoyup bérip yene bir xeyrlik ish qilishi kéreklik otturigha qoyuldi.
Muxbirimiz jüme
2008.11.27

Maqalide mundaq körsitilgen: "aq saraygha bu qétim gu'antanamoda tutup turiliwatqan 17 neper Uyghurni qoyup bérip, yene bir nöwet xeyrlik ish qilidighan purset keldi."

Maqalide, ötken ayda sotchi orbinaning 17 neper Uyghur qoyup bérish hökümige bush hökümitining qarshi chiqqanliqi we hökümet da'irilirining bu sotta utup chiqidighandek tuyuluwatqanliqi körsitilgen we: " emma bu jehettiki ghelibe hökümetning bu Uyghurlarni yene bir qétim hörlüktin behrimen qilishta qolidin kélidighan barliq tirishchanliqlarni körsitidighan mes'uliyitidin mustesna qilmasliqi kérek" dep körsitilgen.

Maqalide yene prézidént bushning özining ijra'iye hoquqidin paydilinip mezkur 17 neper Uyghur tutqunning bir qismini bolsimu amérikigha yerleshtürishi kérekliki tewsiye qilin'ghan.

25 - Noyabir düshenbe küni amérika erziyet sotida, amérika hökümet da'irilirining sotchi urbinaning hökümi üstidin erziyet sotigha sun'ghan erzige qarap chiqilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.