Torontodiki bir diniy jem'iyet gu'entanamodiki enwer hesen'ge képil bolidighanliqini telep qilip hökümetke iltimas sun'ghan

Kanadaning toronto shehirige jaylashqan diniy jem'iyet gu'entanamoda tutup turiliwatqan Uyghur yash enwer hesen'ge képil bolidighanliqini telep qilip hökümetke iltimas sun'ghan bolup, "los anjélés waqti" gézitide körsitilishiche, buning bilen yillardin buyan köngülsiz bolup turiwatqan enwerning mesiliside ümid körünüshke bashlighan.
Muxbirimiz jüme
2009.02.23

Xewerde körsitilishiche, amérika préz'idénti obama gu'entanamo türmisini bir yil ichide taqash buyruqi chiqarghandin kéyin, kanadadiki bir nechche xristi'an chérkawliri birliship, mezkur türmidiki "düshmen jengchisi emes" dep aqlan'ghan mehbuslardin 60 nepirining mesilisini hel qilish pa'aliyiti bashlighan.

Netijide, kanadadiki bir qisim xristi'an jem'iyetliri we kanda musapirlar meslihet bérish orni birliship, 3 neper Uyghurni öz ichige alghan besh neper mehbusqa bash panah bolidighanliqini élan qilghan hemde hökümetke bularning mesilisini tézlitip hel qilish telipini qoyghan.

Uyghur yash enwer hesen 2004 - yili amérika herbiy da'iriliri teripidin düshmen jengchisi emes dep aqlan'ghan bolsimu, emma xitaygha qayturulsa hayati xewpke uchraydighan bolghachqa, hazirghiche türmide yatmaqta idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.