Гүәнтанамо тутқунлириниң бири тунҗи қетим америка туприқиға елип келинди

9 ‏- Июн сәйшәнбә күни, гүәнтанамо түрмисигә қамалған ахмәд қалфан ғәйлани, алаһидә һәрбий чариләр билән гүәнтанамодин нюйорктики федерал сотиға елип келинди.
Мухбиримиз гүлчеһрә
2009-06-09
Елхәт
Пикир
Share
Принт

Бу америка һөкүмити тәрипидин гүәнтанамо һәрбий түрмисигә қамалған тутқанларниң тунҗи қетим америка туприқиға йөткилиши һесаблиниду. Америка ахбаратлириниң сәйшәнбидики хәвәрлиридә көрситилишичә, нюйорктики америка федерал сотида бүгүн ахмад қалфан ғәйлани 1998 - йилидики танзанийә вә кенийидики икки америка консулханисини партлитиш вәқәсидә асаслиқ рол ойниғанлиқи шундақла бу вәқәдә 12 америка пуқрасини өз ичигә алған 224 бигунаһ кишиниң өлүшини кәлтүрүп чиқарғанлиқи билән әйибләнгән.

Америка һәрбий даирилириниң ениқлишичә, ғәйлани 1998 - йилидики әлқаидә тәшкилатиниң икки қетимлиқ америка консолини партлитишқа охшаш террорлоқ һәрикәтлиридә муһим рол ойниғандин кейин африқидин айрилип, әлқаидә рәһбири осама бинладинға қоғдиғучи болған. У, 2004 - йили пакистанда америка һәрбий қисимлири тәрипидин тутулуп икки йилдин кейин террор гумандари қатарида алаһидә чиң тәдбирләр елинған гүәнтанамо һәрбий түрмисигә қамалған.

Гәрчә ғәйлани әлқаидә вә бин ладин билән мунасивәтлик, террорлоқ һуҗумларға қатнишип 200 дин артуқ адәмниң өлүшини йәнә миңларчә кишиниң ярилинишини кәлтүрүп чиқарған җинайәт билән әйибләнгән болсиму, ғәйлани һазирға қәдәр җинайитигә иқрар болмиған. Ғәйланиниң соти узунға созулуши мумкин.

Шу қетимлиқ америка консулханилириниң партлитилишиға мунасивәтлик йәнә башқа төт киши нюйорк федерал сотида өмүрлүк қамақ җазасиға һөкүм қилинған иди.

 Гүәнтанамо түрмисини тақашқа 7 ай қалди, обама һөкүмити түрмә тақалғандин кейин гүәнтанамо тутқунлириниң бәзилириниң өз дөләтлиригә қайтурулидиғанлиқини вә бәзилириниң башқа дөләтләргә орунлаштурулидиғанлиқини шундақла еғир җинайәтләр билән қамалған бәзи тутқунларниң америка туприқидики түрмиләргә елип келинидиғанлиқини билдүрмәктә. Ғәйланиниң бүгүн гүәнтанамодин тунҗи болуп америкиға дәссиши,гүәнтанамо тутқунлирини америка туприқиға елип келиштики муһим бир қәдәм болуши мумкин.

Пикирләр (0)
Share
Толуқ бәт