Amérika aliy soti gu'entanamodiki Uyghurlarning naraziliq erzini qobul qilmaydighanliqini bildürdi

Roytéris agéntliqining1 - marttiki xewiride bayan qilinishiche, bügün düshenbe küni amérika aliy soti gu'entanamodiki Uyghurlarning naraziliq erzining qobul qilinmighanliqini bildürgen.
Muxbirimiz mihriban
2010-03-01
Share

Güentanamodiki Uyghurlarning bu erzi ularning adwokatliri teripidin amérika aliy sot mehkimisige sunulghan bolup, erzde aliy sot mehkimisidin hazirgha qeder birer döletlerge orunlashturulmay güentanamodiki lagérda üzlüksiz tutup turuluwatqan 7 neper Uyghurni amérikigha qoyup bérish telep qilin'ghan idi.

Amérika rayonluq fédéral sot mehkimisining sotchisi orbina qatarliqlar 2008 ‏ - yili 10 ‏ - ayda qarar chiqirip, lagérdiki "düshmen jengchisi emes" dep jakarlan'ghan bolsimu, yenila tutup turuluwatqan Uyghurlarni amérikigha qoyup bérishke buyrughan idi. Lékin bush hökümiti fédéral ottura sot mehkimisige erz sunup, fédéral rayonluq sotning qararini aghdurup tashlashni telep qilghan idi.

Fédéral ottura sot bolsa rayonluq fédéral sotning qararini aghdurup tashlap, chet'el zéminidiki tutqunlarni amérikigha qoyup bérish - bermeslik hökümetning hoquq da'irisidiki mesile bolup, sotning hökümetke buyruq chüshürelmeydighanliqini ilgiri sürgen idi. Bu ehwalda lagérdiki Uyghurlar amérika rayonluq fédéral sotning eslidiki qararini ijra qilishni telep qilip, fédéral ottura sotning qararini aghdurup tashlashni telep qilghan idi. Amérika aliy sot mehkimisimu, bultur 12 - ayda bu Uyghurlarning bu erzini körüp chiqishni qobul qilghan idi.
 
Bügün aliy sot mehkimisidiki munasiwetlik xadim, güentanamodiki Uyghurlarning naraziliq erzining qobul qilinmighanliqining sewebini chüshendürüp, hazir lagérda qalghan 7 neper Uyghurning 2 nepirining shwétsariyige qobul qilin'ghanliqini, yene 5 nepirini bolsa palaw döliti qobul qilidighanliqini bildürgenlikini, shunga bundaq ehwal astida lagérdiki Uyghurlarning bu naraziliq erzining qobul qilinmaydighanliqini bildürgen.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet