Sabiq gu'entanamo Uyghurliri yene 2 neper qérindishining hörlükke érishkenlikidin memnun bolghanliqini bildürgen

Bérmuda yekshenbilik xewerler torida körsitishiche, gu'entanamodin bérmudigha orunlashturulghan 4 neper Uyghurning biri xélil mamut "bu xewerni anglap intayin xosh boldum dégen".

U yene özi qoyup bérilgende yene bir qisim buraderliri türmide qalghanliqi üchün dégendek xosh bolup kételmigenliki shunga yene qalghan besh buraderliriningmu pat arida qoyup bérilishini kütidighanliqini bildürgen.

Shwétsariye fédératsiye kéngishi ötken charshenbe küni bilet tashlap, gu'entanamodiki aka - uka mehbus -- bextiyar we erkin mehmutlarni qobul qilidighanliqini bildürgen.

Mezkur xewer bu Uyghurlarni erkinlikke érishtürüsh yolda nechche yil izden'gen adwokatlar we kishilik hoquq pa'aliyetchilirini razi qilghan idi.

Xewerde neqil qilinishiche, gu'entanamo Uyghurlirining adwokatliridin biri bolghan seybin willet shwétsariyining qararidin hayajan we xushalliqqa chömgenlikini bildürgen.

Seybin willet ependi yene, gu'entanamo Uyghurlirini yerleshtürüshte bérmuda hökümitining ülge tikligenliki, bérmudigha yerleshtürülgen Uyghurlarningmu bérmuda jem'iyitige singiship ketkenlikining shwétsariye hökümitining mezkur qararni chiqirishigha türtke bolghanliqini qoshumche qilghan.

Gu'entanamoda esli 22 neper Uyghur qamalghan bolup, amérika hökümiti bularning hemmisini düshmen jengchisi emes dep békitken we bularni bixeter döletlerge yerleshtürüsh uchun köp tirishchanliq körsetken idi

Nöwette bularning 15 nepiri ilgiri kéyin bolup gwentanamodin qoyup bérilip, albaniye, bérmuda we palaw qatarliq ellerge orunlashturuldi. Nöwette yene 2 Uyghur shwétsariyige yerleshtürülmekchi.

Xewerde körsitishiche, bu heqte toxtalghan adwokat élizabit gilson xanim: "bu kishiler az kem 8 yildin béri özlirining gu'entanamogha mensup emesliki anglap keldi. Ularning bir din bir arzusi démokratik döletlerde tinch - aman hayat kechürüshtin ibret dégen."

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar