Google Gha qilin'ghan hujum shangxey qatnash uniwérsitéti qatarliq mekteplerdin élip bérilghan

"Nyu york waqti géziti" jüme küni xewer élan qilip, Google we amérika shirketlirining yéqinda uchrighan tor hujumi xitayning shangxey qatnash uniwérsitéti we herbiylerge munasiwetlik yene bir mekteptiki kompyutérlardin élip bérilghanliqini bildürdi.
Muxbirimiz erkin
2010-02-19
Share

"Nyu york waqti géziti" bu heqtiki xewiride, ismini ashkarilashqa bolmaydighan menbelerning sözini neqil keltürüp, amérika tor betlirini xaklash herikitining qatnash uniwérsitéti we lenshyang kespiy mektipige chétilidighanliqini ilgiri sürgen.

Lenshyang kespiy mektipi bolsa herbiylerning qollishi astida qurulghan bolup, xitay armiyisige kompyutér mutexessislirini yétishtüridighan mektep idi. Google Shirkiti bu yil 1 - ayda mezkur tordiki amérika shirketlirining mexpiyetliki we xitay kishilik hoquq pa'aliyetchilirining xet sanduqi omumyüzlük hujumgha uchrighanliqini élan qilip, hujumni xitay xakkérlirining élip barghanliqini bildürgen. Gézi kelse xitaydiki tijariy meshghulatini toxtitidighanliqini agahlandurghan idi.
 
Mezkur weqe toghrisida "nyu york waqti géziti" uchur bergen xewer menbelirining eskertishiche, bu qétimqi tor jasusluqi 2009‏ - yili 4 ‏ - ayning bashlirida bashlan'ghan we kompyutér kod nomuri, xitay kishilik hoquq pa'aliyetchilirining alaqe tori we soda mexpiyetlikini oghrilashni meqset qilghan.

Google Shirkiti xitay xakkérlirining hujumigha uchrash weqesidin kéyin, amérika dölet bixeterlik idarisi bilen hemkarliship, xakkérlarning hujumi üstidin tekshürüsh élip baridighanliqini élan qilghan idi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet