Google Bilen amérika dölet bixeterlik idarisi hemkarliship, xakérlargha taqabil turushni oylashmaqtiken

Google Shirkiti yéqinda xitay xakérlirining hujumigha uchrighanliqini élan qilip,gézi kelse xitaydiki soda meshghulatini toxtitidighanliqini agahlandurghan idi.

Bu heqtiki xewerlerde eger Google shirkiti bilen amérika dölet bixeterlik idarisi kélishim hasil qilalisa, dölet bixeterlik idarisi Google shirkitige yardemliship, xakérlarning hujumigha a'it uchurlarni analiz qilidiken shundaqla Google we tor qollan'ghuchilarni qoghdaydiken.

Google Shirkiti yéqinda xitay xakérlirining Google arxipigha kirip, öktichi zatlarning Google diki xet sanduqigha kirgenliki shundaqla xitay da'irilirining Google gha bésim ishlitip, uchurgha cheklime qoyushni telep qilghanliqini ilgiri sürgen idi.

Bu weqe amérika bilen xitay arisida talash - tartish qozghighan bolup, amérika hökümiti xitayning weqeni tekshürüshini we tekshürüsh netijisini ashkara élan qilishini telep qilghan.

Bu heqtiki xewerlerde yene, amérika dölet bixeterlik idarisi bilen Google shirkiti hemkarlashsa, dölet bixeterlik idarisi tor qollan'ghuchilarning Google diki hésab nomuri yaki xet sanduqigha kirelmeydighanliqini, Google shirkitining dölet bixeterlik idarisini özining uchur ambéridiki melumatlar bilen teminlimeydighanliqini ilgiri sürgen.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar