Xitay, ' qazaqistan tereptin chéketke apiti kélidu' dep agahlandurush chiqardi

Xitay hökümiti yéqinda, qazaqistan tereptin 6 - 7 aylarda chéketke apiti kélidu, xuddi alemni bulut qaplighandek peyda bolidighan bu apet yer yüzide héchnéme qaldurmay yep tügütidu, dep agahlandurush chiqardi.
Muxbirimiz weli
2009.04.25
Share on WhatsApp
Share on WhatsApp

Shinxu'a agéntliqining ürümchidin bayan qilishiche, xitay hökümiti hazir, qazaqistan tereptin kélidighan chéketke apitidin saqlinish üchün , Uyghur aptonom rayonining qazaqistan'gha chégrilinidighan jaylirida mexsus chéketke we bashqa ziyandash hasharatlarni yeydighan öy qushlirini milyonlap östürüshke we terbiyileshke bashlighan.

Xitayning chéketkidin mudapi'elinish qomandanliq shitabining mutexessisi mu chén 'sün'i hemra arqiliq bayqalghan hadisilerdin qarighanda, qazaqistan tereptiki köllerning kölimi 2007 ‏ - yilidin buyan 58 ming kwadrat géktar tariyip ketti. Bundaq hadise chéketke we bashqa ziyankesh hasharatlarning öz uwisidin ayrilip sirtqa yamrishini keltürüp chiqiridu. Bundaq apet yüz bergen haman, chéketkilerni özimiz östürgen we terbiyilewatqan öy qushlirigha yégüzüp tügitimiz, ayropilanlar bilenmu dora chéchip öltürümiz,' dégen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.