Америкидики бир хитай содигиригә хитайға һәрбий учур запчаслирини сатқини үчүн 8 йиллиқ қамақ җазаси берилди

Америкиниң масачиус штатидики федрал сот мәһкимиси бүгүн, ву ченҗу исимлик хитай содигири үстидин һөкүм чиқирип, уни "америкиниң сәзгүр һәрбий учур запчаслирини хитайға қанунсиз експорт қилған" дегән җинайәт билән әйибләп, 8 йиллиқ қамақ җазасиға һөкүм қилғанлиқини елан қилди.
Мухбиримиз меһрибан
2011-01-27
Share

Америка һөкүмәт әрбабиниң билдүрүшичә, 46 яшлиқ ву ченҗу 2004-йилдин 2007-йилғичә болған арилиқта, америкиниң һәрбий електронлуқ алақә үскүнилири запчаслири, радар һәм башқурулидиған бомба қурулмисидики сәзгүр електронлуқ запчасларни хоңкоңдики мәлум ширкәткә експорт қилиш намида, хитайниң һәрбий санаәт ширкәтлири һәм һәрбий тәтқиқат орунлириға сетип бәргән.

У җәмий 14 қетим бу хил һәрбий електронлуқ техника запчаслирини експорт қилған шундақла 2005-йилдин 2007-йилғичә америка сода санаәт идарисигә тапшурған хитайға експорт қилинған маллар тизимликидә сахтилиқ қилған.

 Хәвәрләрдин мәлум болушичә, федрал сот мәһкимиси бу қетим ву ченҗуға 8 йиллиқ қамақ җазаси бәргәндин сирт, униң 66 миң доллар нәқ пулини мусадирә қилип, униңға 15миң доллар җәриманә қойған. Шундақла сотниң 1700 долларниң алаһидә тәкшүрүш хираҗитини төләшкә һөкүм қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт