Amérikidiki bir xitay sodigirige xitaygha herbiy uchur zapchaslirini satqini üchün 8 yilliq qamaq jazasi bérildi

Amérikining masachi'us shtatidiki fédral sot mehkimisi bügün, wu chénju isimlik xitay sodigiri üstidin höküm chiqirip, uni "Amérikining sezgür herbiy uchur zapchaslirini xitaygha qanunsiz éksport qilghan" dégen jinayet bilen eyiblep, 8 yilliq qamaq jazasigha höküm qilghanliqini élan qildi.
Muxbirimiz méhriban
2011-01-27
Share

Amérika hökümet erbabining bildürüshiche, 46 yashliq wu chénju 2004-yildin 2007-yilghiche bolghan ariliqta, amérikining herbiy éléktronluq alaqe üsküniliri zapchasliri, radar hem bashqurulidighan bomba qurulmisidiki sezgür éléktronluq zapchaslarni xongkongdiki melum shirketke éksport qilish namida, xitayning herbiy sana'et shirketliri hem herbiy tetqiqat orunlirigha sétip bergen.

U jem'iy 14 qétim bu xil herbiy éléktronluq téxnika zapchaslirini éksport qilghan shundaqla 2005-yildin 2007-yilghiche amérika soda sana'et idarisige tapshurghan xitaygha éksport qilin'ghan mallar tizimlikide saxtiliq qilghan.

 Xewerlerdin melum bolushiche, fédral sot mehkimisi bu qétim wu chénjugha 8 yilliq qamaq jazasi bergendin sirt, uning 66 ming dollar neq pulini musadire qilip, uninggha 15ming dollar jerimane qoyghan. Shundaqla sotning 1700 dollarning alahide tekshürüsh xirajitini töleshke höküm qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet