Obama bu qétimqi herbiy heriket heqqide toxtaldi

Shenbe küni birleshme küchler kazafiy bashchiliqidiki liwiye hökümet küchliri we hawa mudapi'e eslihelirini bombardiman qilish herbiy herikitini bashlighandin kéyin, amérika prézidénti barak obama bu herbiy heriket heqqide toxtilip, buning tehditke uchrighan liwiye xelqining xitablirining inkasi ikenlikini bildürdi.
Muxbirimiz ümidwar
2011.03.20
Share on WhatsApp
Share on WhatsApp

Amérika awazining xewer qilishiche, obama özining amérika qoshunlirining cheklik da'iride herbiy heriketni bashlishigha buyruq bergenliki, keng da'irilik birleshme armiyining zerbe bérish herikiti qollinish nishanining liwiye xelqini qoghdash we b d t bixeterlik kéngishining ötken heptidiki qararini ijra qilish ikenlikini chüshendürgen.

U, sözide “Kazafiy xelq'ara jem'iyetning urush toxtitish chaqiriqini nezerge almidi” dégen hemde yene dunyaning liwiye weziyitige chette qarap turalmaydighanliqini eskertken.

Shenbe küni amérika dölet ishliri ministiri hilariy klinton xanimgha söz qilip, “Dunya liwiye xelqining öltürülüshige qarap olturalmaydu, amérika bizning ittipaqchilirimiz we hemkarchilirimizning ortaq halda 1973-nomurluq qararni ijra qilishini qollaydu. Biz liwiye xelqi bilen bir septe turimiz, biz ularni qoghdashqa bolghan tirishchanliqimizdin waz kechmeymiz” dégen idi.

Amérika awazining neqil keltürüshiche, liwiye téléwiziye istansisi bu qétimqi hujumda 40 nechche adem ölgenliki, 150 nechche ademning yarilan'ghanliqini élan qilghan. Kazafiy liwiyiliklerni qoligha qoral élip, chet'el küchlirini meghlup qilishqa chaqirghan.

Liwiyini 40 yil idare qilip diktatoriliq bilen nam chiqarghan kazafiy naraziliq heriketlirini basturush netijiside, liwiye öktichiliri kazafiy qoshunliri bilen qoralliq küresh élip barghan, kazafiy b d t ning öktichilerge herbiy hujum qilishni toxtitish chaqiriqigha qulaq salmighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet