Amérika bilen yaponiye keng kölemlik herbiy manéwir élip bardi

Amérika bilen jenubiy koriyining birleshme herbiy manéwiri charshenbe küni axirliship ikki kündin kéyin, amérika bilen yaponiye tarixtiki eng zor kölemlik herbiy manéwirini élip bardi.
Muxbirimiz erkin
2010-12-03
Share

Jüme küni bashlan'ghan amérika-yaponiye birleshme herbiy manéwirigha ikki tereptin 44 ming esker qatnashqan. Manéwirgha amérikining "jorj washin'gton" namliq awi'amatka plotining ishtirak qilghanliqi, yaponiye tereptin 34 ming esker qatnashqanliqi, amérikining 10 mingdin artuq esker chiqarghanliqi xewer qilindi. "Ötkür shemsher"namliq mezkur manéwiri ikki terep 40 dane urush paraxoti we 250 dane urush ayropilanini seperwer qilghan bolup, manéwirning 10 ‏- dékabirgha qeder dawamlishidighanliqi ilgiri sürülmekte. Mezkur manéwir amérika we uning ittipaqdashlirining yéqinda yüz bergen shimaliy koriyining jenubiy koriyini topqa tutush weqesige qayturghan inkasning bir qisimi. Buningdin burun amérika jenubiy koriye bilen sériq déngizda herbiy manéwir élip bérip, pyongyangni agahlandurghan shundaqla xitaydin shimaliy koriyini tizginleshni telep qilghan idi.

Sénkaku taqim arallirining etrapida élip bérilghan manéwir nahayiti tézla xitayning naraziliqini qozghidi. Xitay tashqi ishlar ministirliqi bayanatchisi jyang yüy jüme küni xitay terepning pozitsiyisini izahlap, " nöwettiki weziyette munasiwetlik terepler koriye yérim arilining, rayonning tinchliqi we muqimliqigha qarshi ishlarni qilmay, uninggha paydiliq ishlarni qilishi kérekliki"ni tekitligen. Shimaliy koriyining jenubiy koriyini topqa tutush weqesidin kéyin, xitay hökümiti pyongyangni tenqid qilishni izchil ret qilip, tereplerni özini bésiwélishqa chaqirip kelgen. Yaponiye dölet armiyisining shtab bashliqi riyochi oriki "yaponiye-amérika hemkarliqi shundaqla jenubiy koriye 3 terep hemkarliqining sherqiy asiya tinchliqi we muqimliqini saqlashta alahide muhim ehmiyiti barliqi"ni bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet