Uyghur élida 16 neper chet'ellik xro'in etkeschiliki bilen qolgha élin'ghan

Xitay metbu'atliri, xitay saqchi da'irilirining ötken yili Uyghur élide köpinchisi ottura asiya döletliri tewelikidin bolghan 16 chet'ellikni xro'in etkeschilik délosi bilen qolgha alghanliqini ashkarilidi.
Muxbirimiz eqide
2009-01-29
Share

Fransiye agéntliqining xewer qilishiche, xitay saqchiliri bu bir yil ichide 25 qétimliq xro'in etkeschilik délosini pash qilghan we 96 kilogram xro'inni qolgha chüshürgen bolup, bu san ötken yildikidin 2 hesse köp bolup hésablinidiken.

Xewerde éytilishiche, qolgha chüshürülgen bu xro'inning asasliq qismi, altun hilal dep atalghan iran,afghanistanning taghliq rayonida yasilip tarqalghan bolup, gerche xitayda xro'in etkeschiliki bilen shughullan'ghuchilarning ölüm jazasi bilen jazalinidighanliqi belgilen'gen bolsimu, emma xro'in etkeschiliki izchil dawamlashmaqta.

Xro'in etkeschiliri Uyghur élige xro'in kirgüzüshte, xro'inni plastik dora qutilirigha qachilash, yung gilemlerning arisigha toqup ötküzüsh usulini qollan'ghan. Ürümchi ayropilan istansisida qolgha chüshürülgen 48 kilogram xro'in yung gilemning arisidin tépilghan.

Gerche xitay hökümiti "Uyghur térrorchiliri herbiy we saqchi qisimlirigha hujum qozghidi" dégen bahane bilen chégra rayonliri shuningdek qatnash tugunliride bixeterlik tedbirlirini alahide kücheytken bolsimu, emma chet'elliklerning Uyghurlar yashawatqan bu rayonda élip bériwatqan xro'in sodisi ewj almaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet