Хилари клинтон австралийини һиндистан билән болған һәрбий һәмкарлиқни күчәйтишкә чақирди

Австралийидә зиярәттә болуватқан америка дөләт ишлири министири хилари клинтон ханим австралийини һиндистан билән болған һәрбий һәмкарлиқни күчәйтишкә чақирди.
Мухбиримиз меһрибан
2012-11-13
Share

Б б с агентлиқиниң 13-ноябир күни хәвәр қилишичә, хилари клинтон ханим вә америка дөләт мудапиә министири панита сәйшәнбә күни австралийиниң ғәрбидики пурсе шәһиридә австралийә ташқи ишлар министири һәм дөләт мудапиә министири билән учрашқан.

Хилари клинтон ханим 1-қетимлиқ музакиридә сөз қилип, «австралийиниң һиндистан билән болған һәмкарлиқни күчәйтиши толиму муһим. Биз австралийә вә һиндистандин ибарәт икки дөләт деңиз армийисиниң кәлгүсидә бирләшмә маневир өткүзүшини қарши алимиз» дегән. Хилари клинтон ханим хитай һәққидә тохтилип, «биз тинч һәм ечиветилгән хитайни қоллаймиз» дегән.

Хәвәрдин мәлум болушичә бултур америка президенти барак обама 2500 нәпәр деңиз армийә қуруқлуқ қисмини австралийиниң шималидики дарвин шәһиригә әвәтидиғанлиқини елан қилған иди. Бу шуниңдин кейинки бу икки дөләт юқири дәриҗилик һөкүмәт әмәлдарлириниң йәнә бир қетимлиқ учришиши һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт