Xilari klinton awstraliyini hindistan bilen bolghan herbiy hemkarliqni kücheytishke chaqirdi

Awstraliyide ziyarette boluwatqan amérika dölet ishliri ministiri xilari klinton xanim awstraliyini hindistan bilen bolghan herbiy hemkarliqni kücheytishke chaqirdi.
Muxbirimiz méhriban
2012-11-13
Share

B b s agéntliqining 13-noyabir küni xewer qilishiche, xilari klinton xanim we amérika dölet mudapi'e ministiri panita seyshenbe küni awstraliyining gherbidiki pursé shehiride awstraliye tashqi ishlar ministiri hem dölet mudapi'e ministiri bilen uchrashqan.

Xilari klinton xanim 1-qétimliq muzakiride söz qilip, "Awstraliyining hindistan bilen bolghan hemkarliqni kücheytishi tolimu muhim. Biz awstraliye we hindistandin ibaret ikki dölet déngiz armiyisining kelgüside birleshme manéwir ötküzüshini qarshi alimiz" dégen. Xilari klinton xanim xitay heqqide toxtilip, "Biz tinch hem échiwétilgen xitayni qollaymiz" dégen.

Xewerdin melum bolushiche bultur amérika prézidénti barak obama 2500 neper déngiz armiye quruqluq qismini awstraliyining shimalidiki darwin shehirige ewetidighanliqini élan qilghan idi. Bu shuningdin kéyinki bu ikki dölet yuqiri derijilik hökümet emeldarlirining yene bir qétimliq uchrishishi hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet