Hilariy klinton xanim bilen angsen sukyi körüshüp, bérmida démokratik islahatni algha süridighanliqini bildürdi

Amérika dölet ishlar ministiri hilariy klinton xanim jüme küni yeni, bérmigha qilghan 3 künlük ziyaritining axirqi küni bérma ökchiler rehbiri angsen sukyi bilen uning öyide uchurushup, bérmida démokratik islahat qedimini birliship algha süridighanliqini bildürdi.
Muxbirimiz erkin
2011.12.02

Angsen sukyi xanim klinton bilen birge muxbirlargha söhbet élan qilip, “Eger biz birliship heriket qilsaq, démokratiyige mangghan yoldin arqigha qaytish yüz bermeydu” dégen.

U yene amérikining bérma bilen di'alog qurushi bérmining démokratiyilishish qedimini algha sürüshini ümid qilidighanliqi, chünki di'alog ularning yolini échip, démokratiye qedimining algha qarap méngishigha ishench hasil qilidighanliqini ilgiri sürgen.

Klinton xanim bolsa amérika-bérma munasiwitining qandaq bolushi uning islahatigha baghliq ikenlikidin bésharet bérip, “Eger islahat muqim qedem bilen ilgirilise, biz téximu ilgirilep qedem bésishqa teyyar. Biraq tarixiy bizni éhtiyatchan bolushqa ögetti” dégen.

Klinton xanim peyshenbe küni ran'gon'gha kélip angsen sukyi bilen körüshüshtin burun, bérma paytexti neypyitawda bérma hökümet da'iriliri bilen uchrashqan. U bérma hökümitini türmidiki öktichilerdin téximu köp kishini qoyup bérish, az sanliq milletlerge qaritilghan zorawanliq herikitini toxtitish arqiliq yarishishni algha sürüshke chaqirghan.

Shundaqla u yene, bérmining shimaliy koriye bilen bolghan “Binormal” herbiy munasiwitini üzüshni, yadro qorallirining kéngiyishini cheklesh toghrisidiki xelq'ara ehdinamige ri'aye qilishini telep qilghan. Klinton xanimning ötken charshenbe küni bashlan'ghan ziyariti amérika dölet ishlar ministirining yéqinqi 50 yildin buyan bérmigha qilghan tunji ziyariti idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.