Һелари клинтон хитай зияритидә аралларниң игилик һоқуқ ихтилапи вә кишилик һоқуқ мәсилисини сөзлишиду

Америка дөләт ишлар министирлиқиниң ашкарилишичә, һелари клинтон 4- вә 5-сентәбир күнлири бейҗиңни зиярәт қилғанда хитай билән қошна әлләр арисидики җәнубий деңиз вә сенкаку араллириниң игилик һоқуқи пәйда қилған ихтилап вә тибәтни өз ичигә алған кишилик һоқуқ мәсилиси һәққидә сөзлишип, хитайни аралларниң игилик һоқуқ мәсилисини қорал күчигә тайинип һәл қилишқа қарши икәнлики һәққидә агаһландуридикән.
Мухбиримиз әркин
2012-08-29
Елхәт
Пикир
Share
Принт

Америка дөләт ишлар министирлиқи баянатчиси викторийә нуланд сәйшәнбә күни мухбирларға зиярәт һәққидә учур берип, клинтонниң бу мәсилиләр һәққидә музакирә елип баридиғанлиқини билдүргән. У: биз җәнубий деңиз вә һәрқандақ бир ихтилапни қораллиқ күчкә тайинип тәһдит селиш арқилиқ һәл қилишни халимаймиз. Биз бу хил мәсилиләрни сөһбәт арқилиқ һәл қилишни тәләп қилимиз, дегән. Викторийә нуланд йәнә, клинтонниң хитай зияритидә тибәт мәсилисиниң оттуриға қоюлуш- қоюлмаслиқиға изаһат берип, кишилик һоқуқ мәсилиси асасән даим оттуриға қоюлидиған мәсилә. У хитай рәһбәрлири билән учрашқанда даим бу мәсилиләрни сөзлишиду. Шуңа бу қетимму бу мәсилиләр оттуриға қоюлиду, дейишкә болиду, дәп көрсәткән.

Клинтон ханим пәйшәнбә күндин башлап тинч окяндики кук тақим араллири, һиндонезийә, хитай, шәрқий тимур, бруней қатарлиқ дөләтләргә қилидиған зияритини башлайду. У 8‏- вә 9-авғуст күнлири президент обамаға вакалитән, русийиниң йирақ шәрқ районидики виладовисток шәһиридә ечилидиған асия-тинч окян һәмкарлиқ тәшкилатиниң башлиқлар йиғиниға қатнишиду.

Пикирләр (0)
Share
Толуқ бәт