Америка ташқи ишлар министири һилларй клинтон русийигә қаратқан рәсмий зияритини башлиди

Америка ташқи ишлар министири һилларй клинтон бүгүн русийигә қаратқан зияритини башлиди. Униң зиярәт җәрянида русийә федератсийисиниң президенти дмитри медмедев вә ташқи ишлар министири сергей лавров билән учришиш елип баридикән.
Мухбиримиз ирадә
2010.03.18
Share on WhatsApp
Share on WhatsApp

Б б сниң хәвәр қилишичә, америка ташқи ишлар министири һилларй клинтон бу қетимлиқ русийә зияритидә қорал азайтиш келишимидин сирт йәнә, оттура шәрқ мәсилиси вә ирандики ядро мәсилиси һәққидә музакирә елип баридикән.

Америка билән русийә арисида имзаланған " истратегийилик қоралларни азайтиш келишими"ниң вақти өткән йили 12 - айда аяғлашқан болуп, икки тәрәп бу келишимни йеңилаш үстидә сөһбәт елип бериватқан иди. Хәвәрләрдә көрситилишичә, америкида һазир 2000дин артуқ ядро қорали барлиқи, русийидә 3000 дин артуқ ядро қоралиниң барлиқи илгири сүрүлмәктә.

Б б сниң хәвиридин қариғанда, америка билән русийә арисидики ядро қораллириниң санини қисқартиш келишимини йеңилаш йолидики сөһбәтләр мувәппәқийәтлик кетиватқан болуп, икки тәрәп бу һәқтә муһим қәдәмләрни басқан. Америка ташқи ишлар министирликиниң мәслиһәтчиси вилям бурнс бу һәқтә қилған сөзидә: "икки дөләт арисида қайтидин келишим һасил қилишқа йеқинлишип қалдуқ," дегән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.