Hillariy klinton: awstraliyining amérika we xitaydin birini tallash mejburiyiti yoq

Amérika dölet ishliri ministiri hillariy kilinton we mudapi'e ministiri lé'on panétta awstraliyide resmiy ziyarette bolmaqta. Ular awstraliye tashiqi ishlar ministiri bob kar, mudapi'e ministiri sitifin simislar bilen uchriship, amérika-awstraliye arisidiki herbiy alaqini kücheytish meqset qilin'ghan xewpsizlik yighinigha qatnashqan.
Muxbirimiz irade
2012-11-15
Élxet
Pikir
Share
Print

Birleshme agéntliqining xewiride éytilishiche, awstraliyidiki bezi öktichi siyasiy guruppilar awstraliyining amérika bilen herbiy jehette bundaq qoyuq alaqe ornitishining awstraliyining eng chong soda shériki xitay bilen bolghan alaqisige ziyanliq ikenlikini, awstraliyining musteqil dölet bolush süpiti bilen amérikining sayisi astida qalmasliqi kéreklikini ilgiri sürüp, hazirqi hökümetni tenqid qilghan.

Hillariy kilinton bügün awstraliyining adéleyd shehiride qilghan sözide, yuqiridiki köz qarashni ret qilghan. U awstraliyining amérika bilen xitay arisida qélishining hajiti yoqluqi, awstraliyining tinch okyandiki barliq döletler bilen alaqe ornitidighanliqi we buning héchkimge tosalghu emeslikini tekitlep "Tinch okyan hemmimizge yétidu, amérika tinch okyandiki barliq döletler bilen jümlidin xitay bilen yéqin munasiwet ornitishni arzu qilidu. Biz awstraliyiningmu shundaq qilishini her tereptin qollaymiz" dégen.

Bu nöwetlik xewpsizlik yighinida, amérika awstraliyige ikki alem közitish sistémisi ornitish we awstraliyide turidighan amérika déngiz eskerlirining sanini ashurushqa oxshash muhim qararlar élin'ghan.

Toluq bet