Hindistan bombaygha hujum qilghan kishilerning isim - texellusini élan qildi

Hindistan bügün, 11 ‏ - ayning 26 ‏ - küni bombaygha hujum qilip aza dégende 170 ademning hayatigha zamin bolghan jinayetchilerning isim - texellusi we süritini élan qildi.
Muxbirimiz weli
2008-12-10
Share

B b s ning bayan qilishiche, mexsus herbiy telim körgendin kéyin bombaygha kélip biguna xelqqe hujum qilghan 10 neper jinayetchining ichide, hindistan peqet birla kishining süritini élan qilmidi. Éytishlargha qarighanda, u otta köyüp ölgen. Bu jinayetchilerning biri hazir hindistanda tutup turuluwatidu, uning ismi qasab.

Hindistan tereptin bombay weqesini tekshürüwatqan bash teptish mariya xanimning bayan qilishiche, bu hujumchilarning yéshi 20 yashtin 28 yashqiche. Uning beziliri herbiy telimge qatnashqanda özige texellus qollan'ghan. Yéshi eng kichiki panjapliq 'sho'eyb' bolup, u ismini 'soheb' ke özgertken. Bularning yétekchisi leshkiriy ta'ibening pishqedem ezasi ismir xaqan.

Xewerde éytilishiche yene, pakistan tünügün bombay weqesige munasiwetlik ikki kishini qolgha alghan, emma ularni hindistan'gha ötküzüp bérishni ret qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet