Hindistan déngiz qisimliri somali déngiz qaraqchilirining paraxotini chöktürüwetti
Muxbirimiz weli
2008.11.19
2008.11.19
En'giliye élan qilghan sanliq melumatlargha qarighanda, mushu yil ichide, somali déngiz qaraqchilirining qizil déngiz bilen hindi okyan tutishidighan jaydiki aden qoltuqidin ötken paraxotlargha hujum qilip tapqan kirimi 300 milyard amérika dolliridin ashqan.
Roéytérs agéntliqining mogadishudin xewer qilishiche, bügün hindistan déngiz qisimlirining 'tabar' belgilik charlighuchi paraxoti yawropa we shimaliy amérikining ottura sherqtin néfit toshuydighan yolidiki aden qoltuqida özige tehdit salghan somali déngiz qaraqchilirigha ot échip, ularning bir paraxotini chöktürüwetti.