Hindistandiki 'bölgünchiler' néfit toshuwatqan poyizni partlatti

Birleshme agéntliqning xewer qilishiche, hindistanning asam wilayitidiki bir musteqilchi teshkilat tünügün, rayondiki bir tömür yolni partili'itip, bir yük poyizini rélistin chiqiriwetken we poyizning on nechche wagonidiki bénzin'gha ot qoyghan.
Muxbirimiz shohret hoshur
2009-11-17
Share

Xewerde körsitilishiche, eslide mezkur tömür yol hindistanning sherqi shimalidiki asam wilayitining merkizidin bashlan'ghan bolup 250 kilométir uzunluqta. Asam wilayitining néfit bayliqini toshush üchün qurulghan.

Asam wilayitidiki yerlik xelqler hindistanning iqtisadiy siyasitidin shikayetchi, bolupmu asam wilayitining yer asti bayliqliridin yerlik xelqler yéterlik derijide paydilinalmaywatqanliqigha narazi.

Hindistanning döletlik jama'et xewpsizlik ishliri mes'uli bashar mahanta tünügün bayanat élan qilip, bu qétimqi néfit qachilan'ghan yük poyizigha hujum qilish we ot qoyush weqesini asom azadliq teshkilatining sadir qilghanliqini bildürgen we mezkur teshkilatni eyibligen.

Basharning bildürüshiche, hujumchilar tömür yolni partlitishta yerlik bomba yeni qolda yasighan bomba qollan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet